مسلسل "تحت الوصاية".. نهاد أبو القمصان:"احنا ما نعرفش من الشرع إلا اللي على مزاجنا"

علقت المحامية نهاد أبو القمصان رئيسة المجلس المصري لحقوق الإنسان على الحلقة ال١٣ من مسلسل "تحت الوصاية" فبعد وفاة الجد فرحت منى زكي بالوصاية المالية على أبنائها لتفاجئ بصالح يقدم محضر سرقتها للمركب ويطلب الوصاية. 

وقالت نهاد عبر صفحتها الرسمية على موقع التواصل الاجتماعي "فيس بوك":"قلتش انا، الرسول عليه الصلاة والسلام يقول  امك ثم امك ثم امك ثم ابيك، لكن قانون الولاية على المال يقول  ابوك ثم جدك ثم عمك ، وامك ؟ لا مؤخذه دا مش عندنا احنا ما نعرفش من الشرع الا اللى على مزاجنا، القانون بيقول بعد الأب الوصاية تروح ( لوصى مختار ) يعنى لو  الأب فى حياته عين وصى على ولاده 

أما فى حالة عدم وصية الأب فالوصاية للجد، وبعد الجد المحكمة تحكم للأم، إلا فى حالة مطالبة (ذكر) من عصب القاصر، وذلك للحفاظ  على ثروة القاصر، وهى الام مش هتعرف تخلى بالها على مال عيالها ؟ المشكلة ان القانون ما يعرفش الام اصلا سواء فى حياة الاب او بعد وفاته يعنى لو الاب عايش الام متعرفش تعمل اى مصلحة لاولادها فى حالة غيابه او سفره او حتى انشغاله فى شغله 
علشان كدا السعودية وكثير من الدول العربية والاسلامية غيرت القانون". 

وتابعت نهاد:" ونصت ( رب الاسرة الاب أو الام ) يعنى سواء الاب عايش او متوفى الاب والام لهم نفس الحقوق ونفس الصلاحيات 
احنا بس اللى لسه عايشين فى الكهفبعض الناس بتقول ماهى الام لو اتجوزت ممكن يضحك عليها وتضيع فلوس العيال دا كلام يتقال لما نبرر سرقة ميراث الستات نقول علشان نحافظ على فلوسهم، ولما نبرر سرقة فلوس الاطفال القصر فنخون امهم، ولما نبرر سرقة فلوس العيال بعد ما يبلغو سن الرشد فنقول نسلمهم ميراث ازاى ومعندهمش خبرة فى الف حجة للسرقة  ستات ايه اللى بيضحك عليها فى زمانا دا اللى اصلا ثلث البيوت بتعيلها واحدة ست شقيانه بطولها علشان عيالها الكلام ان الست يضحك عليها كلام اهل الكهف اللى عملو القانون من ٧٥ سنة ايام ما كانو  بيجوزوا البنات وهى معهاش اعدادية مش فى زمن البيوت ماتعرفش تكمل من غير الستات الشقيانة".   

مسلسل تحت الوصاية تأليف خالد وشيرين دياب، وإخراج محمد شاكر خضير وانتاج ميديا هب سعدى - جوهر، وبطولة النجمة منى زكى، دياب، أحمد خالد صالح، نهى عابدين، رشدى الشامى، مها نصار، على الطيب، أحمد عبدالحميد، محمد السويسري، وعدد آخر من الفنانين.